- UFENS
- UFENSfluv. iuxta Terracinam, per paludes Pomptinas fluens, Plin. l. 3. c. 5. Virg. l. 7. Aen. v. 802.Qua Saturae iacet atra palus, gelidusque per imasQuaerit iter valles, atque in mare volvitur Ufens.Unde Claudian. de Prob. Olybr. consulatu, v. 257.--- Tardusque suis erroribus Ufens.Silius, l. 8. v. 383.--- --- --- Et atroLiventes coeno per squalida turbidus arvaCogit aquas Ufens, atque inficit aequora limo.Hic fluv. antiquissimus Romanis Oufens dicebatur. Ennius:Priverno Oufentina venit, fluvioque Oufente.Sed et aliâ diphthongô etiam dicebatur Aufens; unde vulgare ei hodieque vocabulum Aufente. Cluver. Baudrando, hodie il Portatore; nascitur ad diversorium Casenove, 2. milliar. sub Setia, in Campania Romana. In ditione Pontific. Eius ostia prope Terracinam distant 100. mill. pass. ab ostiis Truenti in Piceno in Merid. uti 60. a Neapoli in Occasum versus ostia Tiberina 50. Item Aequicolarum Dux, qui cum Turno adversus Aeneam suppetias ferret, a Gyâ Troiano est interfectus. Eius meminit Virgil. ubi supra:Et te montosae misêre in proelia NursaeUfens, insignem famâ et felicibus armis.Nic. Lloydius.
Hofmann J. Lexicon universale. 1698.